DWUMADZI YI N’ENYIDO
Nhwehwɛmu yi fa kasasu a ͻwͻ Mfantse mpaayi ahorow mu ho. Nhwehwɛmu yi kͻr do wͻ Mfantseman mu, ͻyɛ Ekumfi Nanaben, Ekumfi Ebuakwa, Mankɛsemu, Asebu na Gomoa Asen. Menam nsɛmbisa do nye nwoma bi a enyimdzefo bi akyerɛw do nyaa mboano nsɛm no. Migyinaa mboano nsɛm no do dze yii nhwehwɛmu no ho nsɛmbisa no ano. Medze enyim na enyim nsɛmbisa, nwoma mu mpaayi horow ebiasa na dza ͻkͻr do wͻ eguabͻ horow ase boaboaa me mboanosɛm ano. Sɛ iyi da nkyɛn a, mokᴐr enyimdzefo tse dɛ nananom ahemfo, ebusuampanyimfo, asᴐfo na akyeame binom nkyɛn na menye hᴐn kᴐtwetwee nkᴐmbᴐ faa dwumadzi yi ho. Mesanee kᴐr Ɔsagyefo Kwame Nkrumah Mbuukuu Korabea a ᴐwᴐ Simpa Esuapᴐn mu na Ghana Esuapᴐn a ᴐwᴐ Legon n’adzesuabea a wosua nyimdzee fa Ebibirman na Borᴐfo ho wᴐ Nkran, kɛkenkaan mbuukuu a binom akyerɛw afa mpaayi ho. Kasasu a ͻwͻ Mfantse mpaayi ahorow a medze dzii dwuma no mu no bi yɛ nsido, bɛ, ngyinahͻma, tsetse kasa, nsabran, pɛrpɛryɛ anwensɛm, ͻhyɛ na adzesrɛ, nkakuho, kasambirenyi, nsawↄdo, sɛ-sɛntsefo, pɛrpɛryɛ anwensɛm na nsɛmbisa a onnyi nyiano. Nyimpa dodow ara na wͻdwen dɛ ndɛ Mfantse kasa no mu mmpiw dɛ ndeda dze no ntsi kasasu papa biara mpo nnyi ndɛ Mfantse mpaayi mu naaso dwumadzi yi ekyir no ͻbͻtͻͻ gua dɛ ayɛfo dze kasasu ahorow a ͻwͻ ndeda Mfantse mpaayi mu no nyinara dzi dwuma wͻ ndɛ Mfantse mpaayi so mu. Bio, kasasu a odzi akotsen wͻ ndeda Mfantse mpaayi na ndɛ Mfantse mpaayi nyinara mu yɛ ntsimu.
JAMES, M (2021). KASASU A ϽWϽ MFANTSE MPAAYI AHOROW MU. Afribary. Retrieved from https://tracking.afribary.com/works/kasasu-a-w-mfantse-mpaayi-ahorow-mu
JAMES, MENSAH "KASASU A ϽWϽ MFANTSE MPAAYI AHOROW MU" Afribary. Afribary, 22 Mar. 2021, https://tracking.afribary.com/works/kasasu-a-w-mfantse-mpaayi-ahorow-mu. Accessed 22 Nov. 2024.
JAMES, MENSAH . "KASASU A ϽWϽ MFANTSE MPAAYI AHOROW MU". Afribary, Afribary, 22 Mar. 2021. Web. 22 Nov. 2024. < https://tracking.afribary.com/works/kasasu-a-w-mfantse-mpaayi-ahorow-mu >.
JAMES, MENSAH . "KASASU A ϽWϽ MFANTSE MPAAYI AHOROW MU" Afribary (2021). Accessed November 22, 2024. https://tracking.afribary.com/works/kasasu-a-w-mfantse-mpaayi-ahorow-mu